Il mardi saira ha la radunanza communala da Vaz Sut decidì da sbassar il pe da taglia, da 90% sin 85% da la taglia chantunala simpla. La radunanza è uschia suandada a la proposta da la suprastanza communala. Era in cler Gea hai dà per il preventiv 2024. Quel quinta cun in deficit da 141'620 francs, tar expensas da radund 20,5 milliuns francs.
Tar las investiziuns dadas libras per l’onn proxim tutgan tranter auter la sanaziun da la Kreuzgasse per 120’000 francs, e da laschar far in studi davart l’implant da sport Rüfeli per 120’000 francs.
In nov suprastant
Plinavant ha la radunanza communala elegì Reto Castellazzi da nov en la suprastanza communala. Ina nova persuna hai duvrà, suenter che Sandro Krättli era sa retratg curt suenter sia elecziun da l’entschatta november.