Eva-Maria Faber è nova commembra da l'Academia europeica da la scienzia e da l'art. Tenor communicaziun saja la rectura da la Scola auta da teologia Cuira vegnida recepida pervi da ses gronds merits en ils champs da la dogmatica, la teologia fundamentala e l'ecumena. L'academia cun sedia a Salzburg unescha commembras e commembers dals pli differents contexts academics ed artistics.
L'uvestg Joseph Maria Bonnemain, ch'è er la surveglianza eccesiastica da la scola auta, sa legra da la nominaziun e gratulescha ad Eva-Maria Faber. Ella haja durant ils davos 25 onns contibuì bler a la diocesa da Cuira, sco ch'igl è da leger en la communicaziun.
