Siglir tar il cuntegn

Header

cuntegn

Grischun Scolaras e scolars mercantils da Glion preschentan atgna App

La sonda, ils 15 d’october 2016 tematisescha RTR a l’ILHGA a Glion la giuventetgna e las medias. Da las 17.00 a las 18.00 datti en l’aula da la chasa da scola ina discussiun. Plinavant preschentan scolaras e scolars da la Scola media mercantila (HMS) a Glion ina applicaziun per telefonins.

GeneraziunDIGITALA

Avrir la box Serrar la box
  • Aula da la chasa da scola, Glion
  • sonda, ils 15-10-2016
  • a las 17.00 – 18.00

En il center da la discussiun stat la giuventetgna: tranter auter il project «Generation What», ina retschertga europeica - preschentada en Svizra da RTR, RSI e RTS. Ella sa drizza a la giuvna generaziun tranter 18 e 34 onns. I va per las opiniuns, ils giavischs, las speranzas ed ils quitads dals giuvens. Silsuenter pon ils visitaders e las visitadras persequitar la preschentaziun da la classa «WEB/APP» da la HMS Glion. Ils scolars han creà in’applicaziun particularmain per giuvens utilisaders.

Tge fa RTR per ils giuvens?

L’occurrenza che vegn moderada da Elin Batista (Minisguard / Battaporta) sa fatschenta er dal tema «RTR e la giuventetgna». Quant bun è RTR posiziunà sin il camp dals meds novs sco internet e social media? Tge plazzas e pussaivladads porscha RTR a la glieud giuvna? La directura da RTR, Ladina Heimgartner vegn a prender posiziun tar questas dumondas.

Artitgels legids il pli savens