Siglir tar il cuntegn

Header

audio
Per maturandAs hai num: emprender vinavant, simplamain da chasa anor.
Or da Actualitad dals 19.03.2020.
laschar ir. Durada: 02:13 minutas.
cuntegn

Scolas medias Il mument na vegnan las clausuras da matura betg spustadas

Schebein che las scolas medias han serrà lur portas va il manaschi da scola vinavant – uss dentant simplamain a chasa. Quai vala era per ils maturands che fineschan la scola cun ils examens finals.

Davent da quest’emna emprendan scolars e scolaras a chasa. Cunzunt per ils maturands è quai ina sfida perquai ch’ils examens finals vegnan pli datiers. Il cusseglier guvernativ e minister d'educaziun Jon Domenic Parolini declera ch’ils examens finals na vegnan il mument betg spustads. Ins sa tegnia vinavant vid il plan d’instrucziun actual.

Bler resta avert

Il mument n’èsi betg previs da agiuntar in ulteriur semester da scola, presupponì che la crisa da corona na daventia betg mendra e pudess uschia schizunt periclitar l’emprender a chasa. Era da simplifitgar las clausuras na vegnia betg en dumonda. Ins possia però discutar davart la clav da notas e tut tenor sbassar quella.

Perscripziuns igienicas durant clausuras

Las prescripziuns igienicas durant ils examens finals sajan garantidas. Durant las clausuras sesian ils maturands avunda lunsch in ord l’auter. Vinavant appellescha Jon Domenic Parolini a tut ils maturands e maturandas da resguardar vinavant las perscripziuns igienicas da la Confederaziun durant ch'els èn en chasa da scola, en il traffic public u durant las clausuras.

RTR, actualitad 08:00

Artitgels legì il pli savens

Nach links scrollen Nach rechts scrollen