En il sectur da sanadad è il potenzial da squadras interprofessiunalas, vul dir squadras nua che medis ed autras professiuns da sanadad lavuran ensemen, grond. Quai surtut cura ch’i va per garantir il provediment medicinal da basa e per impedir ina mancanza tar ils medis da famiglia.
Quai scriva la regenza en sia resposta sin ina dumonda dal deputà Philipp Cahenzli. Da principi saja pussaivel d’introducir talas squadras interprofessiunalas. Ma per far quai stoppian ins l’emprim anc midar la lescha.
RR novitads 17:00