A Seewis en il Partenz hai dà gievgia bun'ura in accident mortal tar lavurs da segar. In tractor è cupitgà d'ina spunda giu. Il manischunz, in pur da 53 onns, saja mort anc al lieu. Quai scriva la Polizia chantunala.
Legenda:
Il tractor ch'è sursiglì da la plaunca giu.
Polizia chantunala
En la regiun Pateila ha il pur vulì segar cun il tractor ina part taissa dal prà. Il tractor haja cumenzà a glischnar e saja lura sursiglì pliras giadas radund 20 meters d'ina spunda giu. Curt suenter saja la dunna arrivada al lieu ed haja immediat alarmà las forzas da salvament. Quellas hajan dentant be pli pudì constatar la mort da l'um.
Il Care Team Grischun è vegnì clamà per tgirar la dunna ed ulteriurs commembers da la famiglia. Ensemen cun la procura publica examinescha la polizia uss la raschun da l'accident.
