Margi Lietha-Lötscher è vegnida elegida cun in cler resultat sco nova cussegliera communala da la vischnanca Seewis. Ella era la suletta candidata per il post politic ed ha survegnì 74 da 88 vuschs, uschia è la suprastanza cun ses tschintg sezs puspè cumpletta.
Sanaziun da vias en il vitg Seewis
Ils votants e las votantas han approvà ils plans da sanar la via da Salis. Per la sanaziun stat in credit da 496'000 a disposiziun. In ulteriur credit è vegnì approvà per in'autra sanaziun da via. Ils 293'000 francs vegnan utilisa per il mantegniment periodic da la «Güterstrasse nr. 7» (part Fulli – Calischa).
Sutpassadi la viafier Seewis-Pardisla
Ord raschuns da segirezza vegn il passadi da viafier da Seewis-Pardisla remplazzà cun in sutpassadi da viafier. Per quest project è vegnì approvà 390'000 francs.
Scola na vegn betg pli s tgaudada cun ieli
Il stgaudament d'ieli che ha stgaudà la chasa da scola a Seewis vitg dapi 30 onns vegn remplazzà. En il futur duaja vegnir stgaudà cun ina pumpa da stgaudar cun aua da sal. Quai han ils votants e las votantas decidì. Els èn pia sa decidids cun in resultat cler cunter l'alternativa da stgaudar cun pallets. 325'000 francs èn vegnì approvads per la pumpa da stgaudar cun aua da sal.