Ils directurs da l'hotel Waldhaus a Segl Maria, Patrick e Claudio Dietrich, èn hoteliers dal 2024. Ils dus frars èn vegnids undrads a chaschun dal Hospitality Summit a Turitg Oerlikon.
Igl è la terza giada ch'ina giuria d'experts ha elegì ils hoteliers da l'onn or da la sparta da luxus. Tenor la giuria haja l'inscenaziun raffinada ed autentica da l'istorgia e tradiziun da la chasa persvadì cumplainamain. L'hotel Waldhaus saja – cun concerts classics, jazz, occurrenzas litteraras e filosoficas – gia dapi decennis daventà in «hotspot» da la scena culturala.
Igl è in dals pli persunals e charmants hotels da tschintg stailas en Svizra.
Il luxus vegnia tenor la giuria cunzunt vivì en l'hotel Waldhaus tras la purschida culturala e la natira, betg tras luxus materialistic. Commembers da la famiglia beneventian persunalmain ils osps. L'atmosfera saja fitg autentica.