A Seglias è la notg da dumengia sin glindesdi collidà in manischunz da 35 onns cun ina planta ed ina pitga da betun. Tenor la Polizia chantunala era el en viadi da Casti vers Seglias. El saja mort anc al lieu, scriva la Polizia chantunala. Ina terza persuna haja curt suenter mesanotg annunzià tar la polizia ch'in auto brischia. Las forzas da salvament da Tusaun ed ils pumpiers da Seglias e Cazas hajan chattà l'um tar la spunda sut l'auto. Els han dà l'emprim agid, dentant è l'um anc mort al lieu. Ussa investighescha la Polizia chantunala ensemen cun la Procura publica l'accident.
audio
Per tadlar: las novitads da las 15:00
ord RTR Audio dals 19.12.2022.
laschar ir. Durada: 3 minutas 32 Secundas.