Siglir tar il cuntegn

Header

cuntegn

Grischun Selvaschina reagescha sin midada dal clima

La selvaschina passenta la fin da la stad e l’atun en regiuns pli autas, uschia reageschan ellas sin la midada dal clima.

L'institut per la perscrutaziun da la naiv e lavinas a Tavau ha elavurà las datas da l'Uffizi da chatscha e pestga dal Grischun nua che tut las selvaschinas sajettadas tranter ils onns 1991 e 2013 èn registradas. Ord da las datas resulta ch’ils animals sa chattan radund 100 meters pli aut che avant.

Il pli marcant è quai tar il capricorn cun radund 135 meters pli aut, tar il chamutsch cun in pli da 95 meters e tar il tschierv cun 80 meters pli aut. Tar il chavriel n’è la midada betg da registrar perquai ch’el è collià pli stretg cun ses abitadi, il guaud, scrivan ils experts.

RR novitads 14:00

Artitgels legids il pli savens