La regenza grischuna approva il project collectiv «Selvicultura 2023» cun custs totals da circa 30,73 milliuns francs. Plinavant garantescha ella a las proprietarias ed als proprietaris dals guauds participads contribuziuns chantunalas da totalmain 25,23 milliuns francs. Il project collectiv cumpiglia la tgira da var 3'300 hectaras guaud.
Il project collectiv cumpiglia tschintg programs da tgira regiunals. Quests èn vegnids elavurads dal chantun cun radund 200 proprietarias e proprietaris da guauds publics e privats. Els cuntegnan mintgamai ils temas guaud da protecziun, biodiversitad forestala e cultivaziun dal guaud ordaifer il guaud da protecziun. Sco la regenza scriva vegnia il guaud era tgirà sco spazi da viver per animals selvadis e, nua pussaivel, augmentada la valur dal guaud.
Or da l'archiv
