Bleras persunas che cloman l’ambulanza èn uschenumnads cas da bagatella. Quai vul dir che tals cas na duvrassan betg immediat in tractament medicinal mabain èn persunas che pudessan ir il proxim di da lavur tar il medi da chasa. Tenor il rapport annual dal 2022 da l'Ospital chantunal a Cuira èn 744 transports stads transports da bagatellas. Vul dir quasi mintga 7avel transport na fiss betg necessari. Cumpareglia cun l'onn avant è quai in augment da 40%.
La glieud surprenda memia pauc responsabladad – er per sasez.
Uschia han ils sanitaris da salvament da l'ospital er adina puspè da far cun cas magari bizars, cas che fan plitost scurlar il chau. Per exempel sche l'ambulanza vegn clamada per raschuns da transport.
Per clamar in taxi n'hai jau betg raps.
Dentant quai po esser in char skerz. In transport custa passa 1’000 francs. Las assicuranzas da basa obligatoricas per la tgira da malsauns pajan maximalmain 500 francs u 50% dals custs. Dentant sche la franschisa n'è betg duvrada si poi esser ch’il pazient u la pazienta sto pajar tut sez.