Marc Kollegger ha num il nov directur dals Servetschs psichiatrics dal Grischun (PDGR). Quai scrivan ils Servetschs psichiatrics en ina communicaziun. Kolleger ch'ha 42 onns ha lavurà ils nov onns passads en differentas funcziuns da cader tar ils Servetschs psichiatrics dal Grischun. Dapi questa stad è el responsabel sco directur ad interim per la direcziun operativa dals servetschs. Kolleger è econom da manaschi ed expert d'ospitals cun diplom federal. El entra en uffizi per immediat. Sper ils Servetschs psichiatrics dal Grischun aveva Kolleger tranter auter lavurà durant sia carriera professiunala per la Ems-Chemie, la Fundaziun Flury e per l'Uffizi per la furmaziun professiunala dal Grischun.
Josef Müller banduna ils Servetschs psichiatrics suenter 20 onns
Marc Kollegger succeda a Josef Müller che banduna ses post suenter esser stà 20 onns en uffizi. El vegnia a lavurar en l'avegnir per ils Servetschs psichiatrics universitars da Berna.
