Siglir tar il cuntegn

Sessiun extra muros Claustra Sport per schluccar ils musculs e svidar il chau

Radund 50 deputadas e deputads èn stads il glindesdi saira a far sport suenter l'emprim di da sessiun. Els èn ir cun e-bike, a raiver ed a far yoga.

Suenter in di plain discussiuns e debattas han els, ils politichers e las politicras, giudì dad ir a far sport ensemen. 28 èn ids cun velo, otg a raiver e 15 deputadas han tschernì da far yoga sin ina pastira gist sper l'arena dal Cussegl grond.

Deputads e deputadas schluccan ils musculs

Mo dunnas a far yoga

Tar la lecziun da yoga sin ina planira, gist sper l'arena da Claustra, èn mo dunnas stadas da la partida. Ils umens èn plitost stads da chattar sin il velo u vi da la paraid da raiver.

Ils umens n'han betg vulì rumper ossa.
Autur: Valérie Favre Accola deputada da la PPS

Tar l'ura da yoga èn stadas da chattar deputadas da tuttas partidas. Quellas da la Partida socialdemocratica, sur l'Allianza dal Center fin tar quellas da la Partida populara svizra. Durant questa lecziun n'èsi stà nagut cun mo far patgific, na, la manadra ha er fatg suar in zic las politicras. Per ellas èsi stà ina finiziun ideala dal di suenter l'emprim di da la sessiun extra muros a Claustra.

RTR actualitad 11:00

Artitgels legids il pli savens