Siglir tar il cuntegn

Header

cuntegn

Sin la fin d’avrigl dal 2024 Roman Hug chala sco president communal a Trimmis

Strusch daventà cusseglier naziunal annunzia Roman Hug da la PPS da remetter ses uffizi da president a Trimmis. El dettia giu il presidi communal sin la fin d’avrigl dal 2024, di el a la FMR.

El na veglia betg daventar politicher da professiun. Cun in mandat en il Cussegl naziunal ed anc il presidi communal, na pudess el betg pli lavurar sco architect independent, explitgescha el. I saja impurtant per el da pudair restar – sper la politica – cun ina chomma en sia professiun.

En il parlament a Berna n’ha il nov cusseglier naziunal betg traglinà ditg e gia prendì il pled il segund di da sia emprima sessiun. El ha crititgà l’iniziativa da la cuntrada che smesa tenor el l’autonomia communala e chantunala. Dal manaschi parlamentar sco tal n’è Roman Hug betg exnum surprais, damai ch’el enconuscha gia ils mecanissems dal Cussegl grond. Stut saja el dentant dals blers lobists che sbragian enturn e dals blers invits ch’el survegn.

RTR novitads 20:00

Artitgels legids il pli savens