La stagiun 1999/2000 hai dà a Laax 374 accidents – la stagiun passada èn quai stads 642. Quai èn in toc dapli accidents. Tenor il schef da salvament da Laax Corsin Clopath, na signifitga quai dentant betg, che las pistas sajan pli malsegiras. I dettia simplamain dapli accidents, perquai ch'igl haja dapli glieud sin pista. En media hajan els cifras stabilas cun 0,6-0,7 accidents per 1'000 persunas sin pista. Tenor Corsin Clopath na sajan ils accidents er betg pli grevs che pli baud – quai grazia a l'equipament da protecziun.
Tuttina datti adina puspè accidents – surtut durant la stagiun auta. Quai munta per ils patrugliaders da salvament ina massa lavur – era sch'il team da salvament vegn sustegnì durant quels dis cun dapli patrugliaders.
RTR Telesguard 17:40