Siglir tar il cuntegn

Header

Helicopter da la Rega.
Legenda: Maletg simbolic. Keystone
cuntegn

Sin via da Samignun a Cuira Helicopter da la Rega en situaziun fitg privlusa

L'entschatta mars èn in helicopter da la Rega ed in aviun nunenconuschent vegnids fitg datiers in da l'auter sur territori austriac datiers dal Grischun. Per il Servetsch svizzer d'inquisiziun da segirezza SUST sa tracti d'in cas grev.

Capità è l'incap il prim da mars en la vischinanza dal culm Gross Litzner en la chadaina dal Silvretta. L'helicopter da la Rega era sin in sgol da salvament da Samignun en direcziun Ospital chantunal a Cuira. A bord eran in pilot in sanitari da salvament ed ina media. Quai rapporta la SonntagsZeitung.

Anc betg sclerì èsi, tge per in aviun ch'è stà involvà en il quasi-accident. Tenor il SUST sa tracti dad in aviun nunenconuschent. Annunzià l'incap haja la Rega che ha confermà quai envers la SonntagsZeitung. Dapli indicaziuns n'ha la Rega dentant betg fatg e renvià sin l'examinaziun dal SUST che vegn actualmain fatga.

Ord l'archiv:

RTR novitads 12:00

Artitgels legids il pli savens

Scrollar a sanestra Scrollar a dretga