Suenter las malauras da sonda han ins stuì serrar il Pass dal Lucmagn. Entant è el puspè avert dentant cuvert cun naiv. Cun naiv èsi era da quintar sin ils Pass Alpsu, Güglia, Bernina, Umbrail e Forcola di Livigno.
Lumnezia
En la Val Lumnezia è la via tranter Lumbrein e Vrin stada serrada sur pliras uras. Serrada resta la via a Surrin - in sviament è dentant signalisà.
La raschun è ch'ina pitschna bova ha purtà aua e material sin la via datiers da la Val Miedra.
-
Bild 1 von 3. La via tranter Lumbrein e Vrin. Bildquelle: RTR, Linus Livers.
-
Bild 2 von 3. La via en Val Miedra vegn rumida. Bildquelle: RTR, Linus Livers.
-
Bild 3 von 3. La via a Lumbrein. Bildquelle: RTR, Linus Livers.
Sisum la Surselva
Il pass dal Lucmagn resta anc serrà per motivs da segirtad. Il pass da l'Alpsu èn entant puspè avert. La lingia da tren è entant puspè vegnida serrada pervi da donns vid ils binaris. I dat bus da remplazzament, communitgescha la Viafier Matterhorn-Gottard.
Impressiuns da la Surselva
-
Bild 1 von 8. Platta en Val Medel. Bildquelle: RTR, Hubert Giger.
-
Bild 2 von 8. Platta en Val Medel. Bildquelle: RTR, Hubert Giger.
-
Bild 3 von 8. Platta en Val Medel. Bildquelle: RTR, Flavio Deflorin.
-
Bild 4 von 8. La bova da la val Vallatscha visavi Rueras. Bildquelle: RTR, Giondur Maissen.
-
Bild 5 von 8. La bova da la val Vallatscha visavi Rueras. Bildquelle: RTR, Gionduri Maissen.
-
Bild 6 von 8. Bova visavi il campadi da Rueras (Val Vallatsch). Bildquelle: RTR, Gionduri Maissen.
-
Bild 7 von 8. Mustér (Fontanivas). Bildquelle: RTR, Gionduri Maissen.
-
Bild 8 von 8. Il flum da la Val S. Pieder. Bildquelle: RTR, Linus Livers.
Valladas dal sid
Sin la via tranter Silvaplauna e Chiavenna hai dà impediments da traffic sin autezza da Bondo. Sco la Polizia chantunala ha declerà sin dumonda dad RTR, aveva il flum Bondasca manà memia bler'aua.
A Cama en la Mesolcina han ils pumpiers stuì evacuar duas chasas. Quai saja stà ina mesira da segirtad, uschia il pledader Roman Rüegg.