La naiv giavischada urgentamain è turnada en bleras regiuns. En cumbinaziun cun in vent lascha quai crescher però il privel da lavinas, sin il stgalim 3, considerabel.
Tenor Frank Techel, da l'institut federal da perscrutaziun per naiv e lavinas, SLF, hajan sper la naiv nova surtut era las temperaturas dals ultims dis stgaffì premissas privlusas. Betg las temperaturas autas ma las pli bassas, ch'i ha dà da la vart nord da las alps.
Da la vart nord è restada ina vetta da naiv, che ha per part ina consistenza co zutger. Cun la naiv nova è quai fitg instabil.
Cunzunt en l’autezza da 2000 – 2200 meters ed en las costas dal vest, nord ed ost saja il privel grond. E quai en l’entir chantun.
Il privel resta era ils proxims dis, en la direcziun èn las regiuns da privel pli frequentas.