La Somedia n'ha betg pudì squitschar il «Bündner Tagblatt», la «Bündner Zeitung», la «Glarner Nachrichten» e la «Linth-Zeitung». Ella ha scrit sin il portal online da la «Südostschweiz», ch'i haja dà problems tecnics en la stamparia a Haag. L'ediziun da la mesemna na vegnia betg squitschada suenter.
La Quotidiana è dentant vegnida squitschada ed è disponibla per tut las abunentas ed abunents la mesemna. Ils problems duain esser schliads enfin gievgia.