Ina classa da students da la scola da hotellaria da Passugg ha sviluppà in concept per in restaurant da pop-up. Sin la carta da menu stattan mo spaisas cuschinadas ord rests. Dus dals students han pudì persvader cun lur idea il directur dal Grand Hotel Quellenhof a Bogn Ragaz.
Era products che na vesan forsa betg pli ora bain pon anc esser buns. Cun rests ord ina cuschina d'hotel san ins tuttavia anc cuschinar insatge bun.
En lur pitschen restaurant da pop-up – ina chamona en il parc dal hotel – vegnan ils rests «transfurmads» en novas tratgas.