Siglir tar il cuntegn

Header

audio
Racolta da spargias: Ina visita tar Gabriela Gisler a Cuira
Or da Actualitad dals 19.05.2020.
laschar ir. Durada: 03:15 minutas.
cuntegn

Spargias e corona Tuts vulessan e blers sa gidan

L'entschatta da la stagiun era il futur malsegir. En famiglia han ils Gislers decidì da ristgar – l'interess e l'agid da blers en lavur curta saja stà grond. Ussa gidan er psupè luvrants da la Pologna.

Els hajan ristgà e gudagnà, di Gabriela Gisler che maina il manaschi da famiglia a Cuira. Ils Gislers produceschan spargias. Ina stagiun curta ed intensiva e cun il coronavirus n'eran els a l'entschatta betg segirs sche ina racolta è insumma pussaivla. «L'interess e l'agid è stà grond», resumescha Gabriela Gisler.

Ussa dentant turnan adina daplirs enavos en il mintgadi e perquai hajan els engaschà sis lavurants da la Pologna ch'èn dapi dumengia en Svizra.

In anteriur tancadi serva sco local da vendita per las aspargias da Cuira.
Legenda: In anteriur tancadi serva sco local da vendita per las aspargias da Cuira. RTR, Tona Poltera

Engaschament usità

Ils gidanters da racolta da la Pologna sustegnan ils gidanters indigens. «Cun dapli glieud è la lavur a fin pli sperta» ed uschia ins possia er racoltar dapli resumescha Gisler. Els sajan en mintga cas cuntents da betg avair stritgà la stagiun da spargias 2020.

RTR actualitad 17:00

Artitgels legids il pli savens

Ir a sanester Ir a dretg