Ils onns 2021, 22 e 23 ston las Ovras electricas Engiadina anc ina giada desister da far auas grondas artifizialas en il flum Spöl. Vitiers saja er da mantegnair quels onns mintgamai dal matg fin il settember la dotaziun d'aua d'enviern, ha decretà l'Uffizi federal d'energia.
Cun questas mesiras duai esser pussaivel da pudair sanar a fin il Spöl, ch'è contaminà cun la substanza nuschaivla PCB fin il matg 2024. Gia ils onns 2017 e 18 aveva l'uffizi federal decretà talas mesiras per impedir ch'il PCB contaminescha l'ulteriura rait d'aua.