St. Antönien - Accident mortal sin la senda enferrada dal Sulzfluh

Venderdi enturn las 14:00 ha la Polizia chantunala dal Grischun obtegnì l'avis ch'in um è sa disgrazià in la senda enferrada dal Sulzfluh. In alpinist tudestg da 52 onns era sin la senda cun sia dunna ed auters confamigliars. Sin la part sura è el crudà tuttenina radund 100 meters en la profunditad. Pertge exact, n'ha la polizia anc betg pudì dir.Tar la crudada è el sa blessà talmain grev, ch'el è mort al lieu.