Er sche 10% pli pauc skiunzs e skiunzas èn stads sin pista ad Arosa la stagiun 22/23 en congual cun l'onn avant, è la stagiun 22/23 stada la segund meglra en l'istorgia da las pendicularas Arosa. Ellas concludan cun in gudogn dad 1,17 milliuns francs tar ina svieuta da radund 32,6 milliuns francs.
Per il proxim onn da gestiun planiseschan las pendicularas d'Arosa investiziuns da radund 8 milliuns francs, tranter auter per bajegiar la «Kuhbar» tar la Tschuggenhütte e per remplazzar in indriz d'ennavar.
Tenor atgnas indicaziuns hajan las pendicularas profità dals indrizs per surmuntar la mancanza da naiv. In'ulteriura sfida saja stada la mancanza da persunal.
