Il chantun na po betg serrar ils plazzals – da quest avis è il minister d'economia grischun Marcus Caduff. La cumpetenza da serrar plazzals saja tar la Confederaziun, quai ha il cusseglier guvernativ ditg envers las gasettas da la Somedia. Sco las gasettas scrivan datti dentant plazzals en il Grischun, nua che las prescripziuns d'igiena davart il coronavirus na vegnian betg respectadas.
Era Mario Cavigelli aveva ditg il gliendesdi sin dumonda da RTR ch'i dettia il mument glisch verda per la stagiun da bajegiar. Plinavant ha el manegià ch'era il chantun vegnia a surdà lur lavurs sco planisà.