L'aura da questa stad e stada bunamain perfetga da far bogn. Oravant tut il mais da fanadur è stà meglier ch'ils ultims onns. Il bogn avert Obere Au ha decis da serrar il bogn avert pir ils 9 settember – pia in'emna pli tard che planisà oriundamain.
Auter vesa la situaziun ora tar il bogn da Pany. Lez bogn terminescha numnadamain la stagiun questa dumengia. I saja gia memia fraid ed er il numer da giasts na rendia pli da laschar avert il bogn pli ditg, uschia ils responsabels sin dumonda da RTR.
Il bogn da Schiers è flexibel. Sche l'aura resta bella, resta er il bogn avert.
Anc in'autra situaziun datti a Glion. Els hajan decis davent da l'entschatta da serrar pir ils 9 settember ed uschia resta quai er.
Malgrà ch'i dat differenzas tar la serrada dals singuls bogns, èn els perina ch'i saja stà ina buna stagiun per ils bogns averts en il Grischun.
RR actualitad 17:00
