Siglir tar il cuntegn

Header

cuntegn

Statistica 2021 Populaziun grischuna crescha levet

La populaziun grischuna è creschida levet. La fin da l'onn passà vivevan en il chantun 201'376 persunas – quai èn 1'280 dapli che l'entschatta da l'onn, sco las novas cifras da l'Uffizi chantunal per economia e turissem mussan. En il Grischun è la creschientscha cun in plus da 0,64% sut la media naziunala da 0,79%.

Il pli fitg è la populaziun creschida en las regiuns da Landquart, Moesa e Plessur. Ida enavos è la populaziun percunter en regiuns sco Alvra e Malögia u er il Partenz e Tavau. Entant ch'i ha dà dapli mortoris l'onn passà, è il dumber da las naschientschas stà constant.

Pli paucs Portugais – persuenter dapli Talians

La fin da l'onn 2021 stevan 38'856 persunas cun in pass ester en il Grischun. Quai èn 749 dapli che l'onn avant. Il dumber da Portugais è sa reducì levet, persuenter è il dumber da Tudestgs, Talians ed Ungarais s'augmentà. 385 persunas han survegnì il pass svizzer.

audio
Per tadlar: curt e cumpact
ord RTR Audio dals 25.08.2022.
laschar ir. Durada: 1 minuta 8 Secundas.

RTR novitads 09:00

Artitgels legids il pli savens

Scrollar a sanestra Scrollar a dretga