La Polizia chantunala ha publitgà las cifras d'accidents dal 2022. Qua chattais ina survista da vossa vischnanca:
Ils blers accidents da traffic capitan pervia da memia gronda sveltezza. Da quels accidents hai dentant dà pli paucs l'onn 2022. Tge ch'è s'augmentà èn accidents tras distracziun da la manischunza u dal manischunz.
2021 hai dà anc 61 da quels accidents e trais persunas èn vegnidas blessadas grevamain. Il 2022 è quella cifra creschida fermamain sin 95 accidents e tschintg persunas grev blessadas.
Sco ch'ins po vesair en la grafica resta il dumber da persunas blessadas e mortas pli u main constant. Sulettamain da vesair è il 2021 l'effect da las mesiras cunter la pandemia.
En tut hai dà 2'237 accidents da traffic registrads da la polizia, scriva la Polizia chantunala. 759 èn stads accidents cun animals, 260 pervia da memia auta sveltezza e 118 accidents pervia d'alcohol.
