En la dispita avevan dus possessurs d’ina parcella ch’è datiers da la staziun da Claustra pretendì dapli infurmaziuns da la Viafier retica areguard il project. Quai cunzunt en connex cun in bajetg ch’è parzialmain sin la parcella dals recurrents, e tschella part sin la parcella vischina ch’è en possess da la Viafier retica.
Betg entrà en materia
Entant ha la Viafier retica adattà il project uschia, che betg l’entira part dal bajetg en ses possess vegn stgarpada giu. Sinaquai ha l’Uffizi federal da traffic dà en ina procedura simplifitgada l’approvaziun d’in plan per il project detaglià. Per il Tribunal administrativ federal è questa part dal recurs sa sviluppada uschia, ch’el n’entra betg en materia.
In’ulteriura pretensiun dals dus recurrents era, che la Viafier retica vendia la parcella dispitaivla sch’ella na saja betg necessaria per il project respectiv per il manaschi da viafier. Era en questa part dal recurs n’è il Tribunal administrativ federal betg entrà. Questa decisiun da la dretgira pon tant ils recurrents sco era la Viafier retica trair vinavant al Tribunal federal.
La lescha pretenda da la Viafier retica d'adattar las staziuns:
