Il quartier dal vest da Cuira crescha adina pli spert. Perquai èsi impurtant da s'adattar al temp, declera Renato Fasciati, il directur da la Viafier retica – il plan: reconstruir la staziun Cuira Vest. La staziun avess da daventar in punct principal dal quartier - in center da traffic per trens, bus, autos da posta, peduns e velocipedists.
Oz vegn la staziun utilisada da var 500 persunas mintga di. Cun il svilup rasant dal quartier, vegn en futur dentant quintà cun 3'000 enfin tar 4'000 persunas.
Custs da passa 60 milliuns
Tut en tut custa il project da la staziun passa 60 milliuns francs. La gronda part dals custs surpiglia la Viafier retica, il rest vegn pajà da la citad da Cuira e dal chantun.
Planisà èsi da finir las lavurs da construcziun enfin la stad 2026.