La fundaziun d'agid d'uffants cun il num «Sternschnuppe» accumplescha giavischs d'uffants ch'èn malsauns u han in handicap. Quest onn ha la fundaziun festivà ses anniversari da 30 onns. Passa 3'000 giavischs ha ella gia accumplì. In da quels ch'ha gì la fortuna è Jason Kämpfen.
Il giuven da 14 onns ha in retardament dal svilup e na sa betg leger e scriver. Ses pli grond giavisch è da guardar in gieu da hockey e s'inscuntrar cun il goli Sandro Aeschlimann dal Club da Hockey da Tavau.