A Cuira cumenza la scola il proxim glindesdi cun in obligatori da mascras per tut las scolaras ed ils scolars dal stgalim superiur en las chasas da scola Florentini, Giacometti e Quader. Quai scriva la scola da la citad en ina brev als geniturs. L’obligatori da mascras vala tant en chasa da scola sco era en la halla da gimnastica.
La scola da la citad vul cun questa mesira pudair restar tar l'instrucziun da preschientscha ed uschia evitar in return al home-schooling.
