La suprastanza da la Lia Rumanstcha prolunghescha la consultaziun per il sboz da la strategia per definir ses champs d'engaschament e sias activitads dals proxims onns. Il motiv: il coronavirus. Andreas Gabriel, il manader d'affars publics da la LR, ha ditg vers RTR: «Per il plan da l'onn 2021 mida la consultaziun prolungada betg tant». La LR avess natiralmain gugent survegnì da la radunanza da delegads glisch verda, ella na saja dentant betg bloccada en las activitads, ha precisà Gabriel.
Coronavirus retardescha strategia
Causa dal coronavirus han las uniuns affiliadas da la Lia Rumantscha betg organisà las radunanzas da commembers ed uschia haja la direcziun decidì da prolungar la consultaziun, ha Gabriel explitgà ils motivs per quella prolungaziun. Impurtant sajan las ideas e las opiniuns externas e specialmain per realisar ina strategia saja er il factur temp impurtant.
