La fin d'emna passada han passa 50 artistas ed artists embellì mirs e paraids da Cuira cun lur art – a chaschun dal Street Art Festival 2021. Tranter els er ina fatscha enconuschenta, dentant ina che tegn usitadamain plitost medaglias da sport enta maun e betg il penel: La snowboardista da Vnà Elena Könz.
La sportista che ha er fatg la scola d'art a Turitg malegia per Cuira ina lieur – ella experimenteschia gugent cun differents materials, haja dentant anc betg chattà ses agen stil. Dentant adina puspè haja ses art insatge ironic. Uschia er sia lieur: quella n'è betg forsa alba ubain brina – ella è blaua, «sco sch'ella fiss ina lieur or dal labor», di la artista e sportista.