Siglir tar il cuntegn

Header

cuntegn

Studi da FHGR Far vacanzas e lavurar – in potenzial per il Grischun

Las novas furmas da lavurar – sco lavurar da chasa anora – porschan er potenzial per il turissem en il Grischun. A quella conclusiun vegn in studi che la FHGR ha fatg sin in'incumbensa da l'uffizi per economia e turissem dal Grischun.

Il potenzial na saja betg dispit da pudair gudagnar dapli giasts en il Grischun, mabain ch'ils giasts restian pli ditg sch'els pon per part lavurar dal Grischun anora. Cunquai che quellas persunas fan en emprima lingia vacanzas en Grischun e lavuran be tranteren durant lur temp qua, pon ellas generar valur per las destinaziuns, constatescha il studi.

Nizzegiar il potenzial

Plinavant mussa il studi er pussaivladads da meglierar la situaziun en la tranterstagiun entras persunas che cumbinavan vacanzas e lavur. Per nizzegiar il potenzial stoppian las destinaziuns agir. I dovria dapli spazi da lavur communabla (co-working spaces) e l'infrastructura existenta stoppia vegnir meglra entras cooperaziuns. Sulet uschia saja pussibel da survegnir avunda public per ch'i rendia. Per exempel possian interpresas che porschan plazzas da lavur flexiblas collavurar cun hotels.

Sco proxim pass fissi tenor il studi pussaivel che Grischun vacanzas vegniss activ per elavurar ina strategia generala, quai en cooperaziun cun las destinaziuns.

Studi da basa

Avrir la box Serrar la box

Durant la pandemia han blers lavurà da chasa anora. Per part è questa tenuta restada er suenter la pandemia. Il Cussegl da turissem Grischun ha perquai inizià in studi per vegnir a savair dapli davart il potenzial da homeoffice per purschidas turisticas. L'Uffizi per economia e turissem ha lura incumbensà la Scola auta spezialisada dal Grischun da far in studi da basa.

Ord l'archiv

Durant la pandemia aveva il Cussegl federal recumandà puncto prevenziun a la derasaziun dal coronavirus temps da lavur pli flexibels. Il pli flexibel fiss da lavurar da chasa anora. Per vus avain mess ensemen ils puncts centrals ch'igl è da resguardar, sche la firma lubescha.

video
Home Office - co far?
Or da RTR Social dals 10.03.2020.
laschar ir. Durada: 58 Secundas.

RTR novitads 17:00

Artitgels legids il pli savens

Scrollar a sanestra Scrollar a dretga