En il Grischun han l’emprima mesadad da l’onn 77 firmas fatg concurs, in augment da 126% cumpareglià cun la medema perioda da l’onn passà. Quai demussan las cifras actualas dal servetsch d’infurmaziun economic «Dun & Bradstreet».
En l’entira Svizra saja il dumber da concurs s’augmentà per 32%. Il medem mument sajan en il Grischun passa 500 firmas vegnidas fundadas, in minus dad 11%. En l’entira Svizra sajan las fundaziuns idas enavos per 4%.
