Dapi il 2020 è cler ch'i duai – almain sch'i va tenor la citad da Cuira ed il chantun – dar sin l'areal sut la clinica Waldhaus ina surbajegiada cun passa 120 abitaziuns. Per quellas stuessan las 12 chasas che stattan actualmain sin l'areal svanir. E dapi il cumenzament sa dostan er las abitantas ed abitants da questas chasas cunter la nova surbajegiada.
La dretgira administrativa ha uss decis ch'i dovria in'expertisa da la protecziun da monuments federala. Ina tala aveva la dretgira gia pretendi pli baud. Il chantun e la citad avevan però contestà la decisiun. E questa reclamaziun ha la dretgira administrativa uss refusà, scrivan las gasettas da la Somedia.
Sapzi (bio-)divers
Ina gruppa dad abitantas ed abitants ha lantschà il 2020 ina petiziun per salvar il spazi cun las 12 chasas pitschnas, uschia sco el è actualmain. Els argumenteschan ch'i giessan a perder bler spazi biodivers e spezias periclitadas cun la nova surbajegiada. Plinavant tgiran ils pazients e las pazientas da la clinica Waldhaus ina part dals spazis cun curtins. Possessur dal terren è il chantun.
