Siglir tar il cuntegn

Header

video
L'iniziativa dal Clima da Cuira è vegnida surdada
Or da Telesguard dals 07.11.2022.
laschar ir. Durada: 57 Secundas.
cuntegn

Surdà iniziativa Cuira duai daventar pli verda

L'iniziativa dal clima en la citad da Cuira è vegnida surdada oz. Ella pretenda da transfurmar mintg'onn 1% da la surfatscha en spazi verd u plaz per peduns e ciclists.

Il comité d'iniziativa ha surdà a la chanzlia da Cuira l'inziativa cun 1'530 suttascripziuns. Necessarias fissan stadas 800 suttascripziuns. Plinavant avessan ils iniziants anc gì temp in ulteriur mez onn per rimnar tut las suttascripziuns.

Damain grisch – dapli verd

L'iniziativa vul transfurmar durant 10 onns mintg'onn 1% dal terren da Cuira. U ch'ins remplazza il terren cun surfatscha verda, u ch'ins lascha quel per peduns e ciclists, enstagl per il traffic motorisà. Uschia saja quai era ina contribuziun a la protecziun dal clima. Pli bler vegetaziun duai era far pli empernaivel il clima a Cuira. Sco Anita Mazzetta, ina da las iniziantas e manadra dal WWF Grischun di, possia la citad vegnir bunamain 10% pli chauda che la champagna. Perquai duai la surfatscha da la citad vegnir nizzegiada auter, argumenteschan ils iniziants.

audio
Surdada da l'iniziativa dal clima a Cuira
ord Actualitad dals 07.11.2022.
laschar ir. Durada: 3 minutas 15 Secundas.
Visualisaziun da Cuira senza traffic motorisà.
Legenda: Uschia pudess la Grabenstrasse vesair ora cun dapli spazi senza traffic motorisà. www.capisci.ch

12 organisaziuns e partidas da la sanestra han lantschà l'iniziativa. L'iniziativa per il clima da la citad è ina da pliras iniziativas lantschadas da l'organisaziun umverkehR. La citad da Cuira è la 8avla citad che surdat l'iniziativa. Sco proxim discutescha la suprastanza da Cuira l'iniziativa e silsuenter tracta il parlament quella e la fin decida il pievel.

RTR novitads 12:00

Artitgels legids il pli savens

Scrollar a sanestra Scrollar a dretga