Siglir tar il cuntegn

Surselva 1 milliun francs da Turitg per la renovaziun

La baselgia catolica dal chantun Turitg sustegn la renovaziun da la claustra da Mustér.

Transparent vid il palancau da la claustra che fa attent sin la renovaziun.
Legenda: La claustra da Mustér dovra 15 milliuns per la renovaziun. RTR, G. Hosang

La sinoda ha approvà in sustegn da 300'000 francs per la renovaziun da la baselgia Son Martin da la claustra da Mustér. Sco quai che la baselgia catolica da Turitg communitgescha, saja il sustegn betg stà dispitaivel. Ina discussiun dad 1 ura haja sulettamain la summa chaschunà.

Ensemen cun ils 600'000 francs da l'associaziun da la citad ed ils 100'000 francs da la fundaziun per las baselgia parochialas da Turitg, munta il sustegn da Turitg la finala ad 1 milliun francs.

La summa necessaria per tut las lavurs munta a radund 15 milliuns francs.