Siglir tar il cuntegn
Inhalt

Surselva 1 notg – 4 vitgs – 5 delicts

L'emna passada èn laders stads sin tura en Surselva. Las autoritads examineschan ils cas.

Lader.
Legenda: En plirs lieus en Surselva èsi vegnì rut en (maletg simbolic). Keystone

Il lieu exact nua che la tura d’enguladitsch haja cumenzà na saja anc betg cler per la polizia. Roman Rüegg, il pledader da la polizia chantunala, ha attestà, ch'ils laders hajan rut en u empruvà da rumper en en tschintg lieus.

  • En las butias da Volg a Rabius, Surrein e Trun – a Rabius han ils laders unicamain donnegià l'isch e n'èn betg arrivads pli lunsch. A Surrein èn els bain arrivads en butia, n'hajan dentant engulà nagut. Tenor la manadra dal Volg, Jeanette Maissen, hajan els pli probabel tschertgà daners e da quels na sajan betg stads enturn.
  • En la garascha Pino a Tavanasa /Mutteins hajan ils laders gì success ed hajan savì svanir cun daners. Da tge summa ch'i sa tracta n'era anc betg dad eruir.
  • En la chascharia Flurina a Trun.

Cun quai ch'ils cas vegnan anc intercurids n'ha actualmain nagin vulì dir dapli.

RR actualitad 12:00