La davosa ILHGA è stada avant quatter onns. Quella midada da ritmus davent da trais sin quatter onns è sa cumprovada, sco quai che Remo Cahenzli, il president dal comité d'organisaziun, di.
Sche l’exposiziun ha success dependa dentant er dals var 80 expositurs. In stan creativ, ni ina purschida extraordinaria trai la glieud e fa automaticamain era reclama per l’exposiziun sco tala. La premissa da cuntanscher ils 10’000 visitaders è reussida. Per cuntanscher quest bun resultat dovri era in zic cletg quai che pertutga l’aura. I na dastgia betg esser memia bel ma er betg memia trid, uschia Cahenzli. Quest onn èsi simplamain gartegià.
Sch'i vegn a dar en quatter onns, pia il 2020, la proxima ILHGA n'è anc betg decidì, ma fin ussa na dettia quai nagins dubis, ha manegia Remo Cahenzli.
RR actualitad 06:00
.