Per festivar quest giubileum èn vegnids organisads 7 concerts e quai betg mo a Valendau. I dat concerts en l’entira Surselva, davent da la baselgia da Versomi enfin la chaplutta S. Benedetg a Sumvitg.
Organisar concerts en differents lieus ordaifer il vitg ha tradiziun als dis da musica Valendau. Gia per l'emprima ediziun hai dà sper in concert a Valendau anc in concert a Spleia ed in a Val. Per il giubileum da 10 onns èn era vegnids organisads dus concerts spezials. In ha lieu en il Museum regiunal Surselva a Glion e l'auter en la sculptura «Ogna» da Mathias Spescha a Trun.