Siglir tar il cuntegn

Header

Samuel Caderas e Serafin Bundi
Legenda: Samuel Caderas e Serafin Bundi Dus scolars da las emprimas annadas che guardan enavos sin in bel temp en la scola da talents. RTR
cuntegn

10 onns scola da talents Tge è capità cun ils emprims scolars?

La scola da talents da Glion festivescha il giubileum da 10 onns. Dapi l’onn da scola 09/10 visitan scolaras e scolars cun talents en sport, art u musica la scola spezialisada sin promover quels talents.

Dus scolars da las emprimas annadas

Serafin Bundi e Samuel Caderas eran en l’emprima respectivamain segunda annada da la classa da talents. Lur passiun per ballape e per ir cun skis ha motivà els da far l’examen d’admissiun. Oz, 10 onns pli tard, è il sport mo pli in hobi, tuttina è la classa da talents stada per els dus in success.

Video
10 onns scola da talents: Tge è capità cun ils emprims scolars?
Or da Battaporta dals 29.05.2019.
abspielen

Scolars che han fatg carrieras cun lur talent

Plirs anteriurs scolars da la scola da talents da Glion han gia fatg carriera en connex cun lur talents, per exempel Andri Ragettli u Mattiu Defuns.

Betg adina be simpel

La scola da talents cumbatta per scolaras e scolars. Perquai dentant han trais ulteriuras scolas da talents avert sias portas en il Grischun, per exempel a Cuira avant trais onns. Scolars da la regiun Cuira visitan ussa la scola da talents a Cuira enstagl da la scola a Glion. Il dumber da scolars è perquai sbassà da 42 scolaras e scolars l’onn passà sin 29. Quella reducziun da scolars ha sfurzà la scola da talents a Glion da reducir lur purschida.