-
Bild 1 von 6. Uffant naschì suenter il terratrembel. Bildquelle: Marlies Vincenz.
-
Bild 2 von 6. schumellinas naschidas en Haiti. Bildquelle: Marlies Vincenz.
-
Bild 3 von 6. 3 uffants nov naschi. Bildquelle: Marlies Vincenz.
-
Bild 4 von 6. La tenda per pazients. Bildquelle: Marlies Vincenz.
-
Bild 5 von 6. In orfen. Bildquelle: Marlies Vincenz.
-
Bild 6 von 6. Marlies Vincenz oz. Bildquelle: Marlies Vincenz.
Guardond enavos sa regorda Marlies Vincenz ch’igl era fitg chaud, cura ch’ella ed il team da la Crusch Cotschna sajan arrivads en Haiti. E pir a Port-Au-Prince hajan els vis, tge ch’era capità.
Quai era ina devastaziun nundescrivibla.
Sin in plaz da ballape han collavuraturas e collavuraturs pudì installar tendas ed in ospital provisori. L’incumbensa da Marlies Vincenz era d’avair quità da las naschientschas.
Ins è alura fitg spert fitg stanchel, perquai ch’ins lavura di e notg.
Restà en memoria è, che las mammas han gì grond plaschair da lur uffant gist naschì. In grond problem era dentant, che questas persunas n'avevan betg pli in dachasa. Ils blers vivevan sin via. Sco Marlies Vincenz di, n'haja quai betg dà muments, ch’ella n'haja betg pudì pli.
Ma igl ha dà muments, che jau hai dumandà: Tge fatsch jau qua?
I vegniva uschè bleras persunas ed i deva uschè blera lavur. En quests muments saja ina persuna sco in dagut sin in crap. Ins haja il sentiment che quai na piglia mai fin. Ed oz, suenter diesch onns, patratga ella mintgatant anc, tge che saja capità cun ils orfens en Haiti.
Ord l'archiv:
RTR actualitad 07:00