Per las sursilvanas ed ils sursilvans tutga la pitschna cotschna savens tar il mintgadi. Bleras e blers van cun il tren a lavurar u serenond la fin d’emna puspè a chasa, respectiv en la bassa. Radiotelevisiun Svizra Rumantscha festivescha era il giubileum cun raquintar l’istorgia, laschar raquintar viagiaturs e lavurers.
Act festiv per il giubileum
Cunquai ch’il tschancun da la lingia da viafier tranter Glion e Mustér ha giubileum è la radunanza generala da la Viafier retica stada a Trun. Suenter la radunanza èn ils giasts sa rendids a Mustér per dar l’entschatta uffiziala da las festas da giubileum ch’èn en mintga vischnanca tranter Glion e Mustér.
audio
Retrospectiva sin las festivitads da la sonda (16.06.2012)
01:20 min, ord RTR Audio dals 20.03.2015.
laschar ir. Durada: 1 minuta 20 Secundas.
Bleras festas per lung da la lingia
La Viafier retica festivescha il giubileum da 100 onns traject Glion – Mustér en blers lieus per lung da la lingia da la viafier en Surselva. A Cuira ha ella preschentà la locomotiva da giubileum che duai far reclama per quellas festas da giubileum.
L’istorgia da la lingia da viafier Cuira-Mustér
Sch’ins discurra d’in giubileum, lura èsi sa chapescha era da discurrer davart l’istorgia. Davart l’istorgia da la lingia da viafier tranter Cuira e Mustér datti era inqual chaussa da raquintar.
audio
L’istorgia da la lingia da viafier Cuira-Mustér
04:38 min, ord RTR Audio dals 23.03.2015.
laschar ir. Durada: 4 minutas 38 Secundas.
Las chasas da las staziuns
Tgi che fa in viadi cun la Viafier retica da Cuira fin Mustér, vesa sin mintga staziun ina chasa da la staziun. Il pli savens chasas stgir brinas da lain, stgir brin. Sulet duas èn da crap. Durant ils mais da stad crodan ellas magari era en egl pervia da las fluras plazzadas sin ils sems fanestra ed enturn las chasas.
audio
Las chasas da las staziuns (La marella 13.06.2012)
32:50 min, ord RTR Audio dals 23.03.2015.
laschar ir. Durada: 32 minutas 50 Secundas.
Fotografias davart la construcziun da la lingia da viafier
Il fotograf Felix Huonder da Mustér(naschì 1886 e mort 1960) ha documentà la construcziun da la Viafier retica en differents lieus tranter Glion - Mustér. Cun 22 onns è Felix Huonder vegnì engaschà da la Viafier retica. Ses inschign per chaussas tecnicas ed innovativas, ed in pader da la claustra han manà el tar las fotografias. Senza quests documents fotografics pudess ins strusch s’imaginar co che quellas lavurs èn vegnidas fatgas. Il relasch da questas fotografias è oz tar Walter Deplazes inschigner a Surrein.
audio
Discurs cun Walter Deplazes che posseda il relasch da fotografias da Felix Huonder (12.06.2012)
04:09 min, ord RTR Audio dals 23.03.2015.
laschar ir. Durada: 4 minutas 9 Secundas.
La construcziun da la Punt gronda
90 onns electrificaziun
Il traject da la Viafier retica en Surselva po anc festivar in ulteriur giubileum, numnadamain il giubileum da 90 onns electrificaziun. Gian Brüngger ch’ha lavurà prest 45 onns tar la Viafier retica raquinta pertge ch’igl è i uschè svelt cul l’electrificaziun da questa lingia.
audio
100 onns traject da la Viafier retica tranter Mustér e Cuira. Discurs cun Gian Brüngger ch’ha lavurà bun 45 onn per la Viafier retica (23.05.2012)
06:23 min, ord RTR Audio dals 23.03.2015.
laschar ir. Durada: 6 minutas 23 Secundas.
L’aua minerala vegn transportada cun il tren
La Viafier retica na transparescha betg mo persunas. Er buttiglias d’aua vegnan transportadas da la Viafier retica. Igl è l’aua minerala da Val. Quella vegn numndamain transportada da Glion fina a Vaz-Sut ed enavos. Nus avain guardà a Glion nua che las buttiglias vegnan chargiadas enturn dals camiuns sin il tren.