- durant 125 onns ha il chor gì 9 dirigents e dirigentas
- durant 125 onns ha il chor gì 19 presidents e presidentas
- l'entschatta eran els 15 umens
La broschura da giubileum
Sin bunamain 30 paginas vegn documentà, co che tut ha entschet cun il chor cecilian da Glion. Uschia san ins leger ch'ina da las emprimas incumbensas dal chor è star da rimnar daners per cumprar in'orgla en baselgia.
Pli baud chantava il chor pli stediamain che ozendi. En in protocol vegn menziunà, ch'els sajan sa preschentads 67 giadas per messas 9 giadas per vespras e 14 giadas per requiems (mortoris), e 13 giadas per rusaris. Oz chanta il chor 10 fin 12 giadas ad onn.
La messa da giubileum
Rilana Cadruvi e ses um Clau Scherrer han chattà la messa en D-Dur, op 86 da Antonin Dvorak per embellir il giubileum. Sper il chor èn era solists e solistas, en questa ovra da Dvorak.
- Sopran: Judith Scherrer
- Alt: Lisa Lüthi
- Tenor: Martin Mairinger
- Bass: Johannes Schwendinger
Per questa messa da dumengia, ils 7 d'october, en baselgia catolica a Glion è il chor cecilian vegnì rinforza – 54 persunas chantan en il chor.
RR Total local 11:45