Siglir tar il cuntegn

Header

cuntegn

Surselva 150 onns Claustra da Glion - istorgia, architectura e futur

La claustra da las soras dominicanas a Glion è in'instituziun multifara. 150 onns ha ella influenzà fermamain la furmaziun ed il svilup en la Surselva - surtut da las dunnas.

In onn impurtant è stà il 1979, cura che la claustra nova e fitg moderna è vegnida construida. Ozendi fa il futur quitads a las soras. Ils ultims 20 onns n'è numnadamain nagina sora pli entrada en claustra.

L’onn da giubileum da la claustra a Glion va a fin

Quest onn ha la congregaziun da soras dominicanas da la claustra a Glion festivà ses giubileum da 150 onns. Ellas han organisà cun success pliras occurrenzas sco era in’exposiziun ambulanta sur da l’istorgia da la congregaziun.

audio
Saira: Bilantscha dal giubileum 150 onns da la Claustra da Glion
ord Actualitad dals 24.12.2015.
laschar ir. Durada: 3 minutas 16 Secundas.

Tenor la priura generala da la congregaziun da soras dominicanas da Glion, Sr. Annemarie Müller, è la finamira cun tut quellas activitads stada da festivar il giubileum ensemen cun la populaziun. Uschia haja ella vulì promover il contact tranter las soras ed ils abitants da la regiun, e quai saja gartegià.

Digren da soras

Pervia da la digren da soras na saja quai betg pli pussaivel ad ellas da lavurar en ospitals, scolas ni plaivs ed uschia manchia il contact cun la populaziun. I dettia anc 151 soras da Glion sin l’entir mund. Ellas stoppian dentant serrar adina dapli communitads, cunzunt en l’Europa. Las soras da quellas communitads vegnian alura a Glion per viver en la claustra, la chasa materna da la congregaziun. A Glion vivian actualmain 118 soras dominicanas.

TR, Telesguard 17:40

Artitgels legids il pli savens