Siglir tar il cuntegn

Header

Legenda: Il regal ch'il poet ha survegnì da la Lia Rumantscha per il 70avel anniversari. Cudesch: Fontaunas clar resunan
cuntegn

150 onns Flurin Camathias Chanzuns che fan pel-giaglina

Dacurt è cumparì il cudesch «Fontaunas clas resunan» per sa regurdar dal plevon e poet da Laax. Pliras auturas ed auturs fan part ed i dat documents ord la vita da Flurin Camathias (1871 – 1946) e fotografias.

In'armonia sco in tuchiez 

In dals auturs, Remo Arpagaus da Laax, sa fatschenta cun Camathias sut il titel: Ina armonia sco in tuchiez. Sco el di, haja el tschernì in simbol che duess caracterisar sur Flurin uschè precis sco pussaivel: in zain. Sco la vusch dal zain accumpogna ils umans, haja era el accumpagnà nus cun sias chanzuns.

Flurin Camathias haja scrit almain 1'000 poesias, e var 400 sajan daventadas chanzuns. Bleras è enconuschentas sco per exempel:

  • Fontaunas clar resunan
  • Schi ditg che stattan cuolms e vals
  • Romontsch, romontsch ei nies lungatg
  • Solemn ruaus cheu silla riva
  • Clara notg de Nadal
  • Cristus ei oz si levaus
  • Salve Regina, immaculada
  • Tedlei, o fidaivels
audio
«Fontaunas clar resunan» - in cudesch per ils 150 onns Flurin Camathias
03:57 min, Total local dals 18.08.2021.
laschar ir. Durada: 03:57 minutas.

Las duas varts da Flurin Camathias


Gia sco uffant ha Remo Arpagaus emprendì d’enconuscher texts da ses convischin ubain oraziuns. E pli tard en scola era quai cler che las scolaras ed ils scolars recitavan «Il crap Fraissen». E bain inqual giada haja el gì pel giaglina durant ch’il chor viril da Laax chantava da Venderdi Sontg «O crusch sil crest plantada».

Flurin Camathias haja fatg lavur da piunier cun sia emprima «Cecilia» da 1917, scriva Arpagaus. E la «Merlotscha pitschna» saja stada in pigliasis. Mo el ch'è artist e scenograf e dirigia era il chor viril Laax di, ch’i dettia duas varts da sur Flurin. Sco poet haja el creà poesias finas e plain musicalitad, mo en ses tractats sur da la baselgia catolica pudeva el esser dirs, strentgs e fraids.

En quests muments na chapesch jau betg quai Flurin Camathias
Autur: Remo Arpagaus In dals auturs dal cudesch per ils 150 onns Flurin Camathias
Sur Flurin Camathias
Legenda: Sur Flurin Camathias Cudesch da Laax 150 onns FC

 

RTR Total local 11:45

Artitgels legids il pli savens

Scrollar a sanestra Scrollar a dretga