Siglir tar il cuntegn

Surselva 20‘000 francs per vias novas a Pigniu

L’assicuranza Mobiliar ha surdà in schec en la valur da 20’000 francs a la vischnanca Glion. Cun ils daners duain vegnir construidas vias da transport novas a Pigniu.

Pascal Randegger da l'assicuranza Mobiliar surdat il schec ad Aurelio Casanova, president communal da Glion.
Legenda: Pascal Randegger da l'assicuranza Mobiliar surdat il schec ad Aurelio Casanova, president communal da Glion. mad

Sco quai che la Mobiliar scriva en ina communicaziun, vegnan ils daners investids en la meglieraziun ch’è gia vegnida lantschada l’onn 2014, e duai cuzzar enfin il 2018. Dapi dapli che 30 onns collavura l’assicuranza cun il Patrinadi svizzer per vischnancas da muntogna, ch’organisescha ils contacts. Da la meglieraziun duai tranter auter profitar la cuntrada cultivada ed il guaud da Pigniu, la pli pitschna fracziun da la vischnanca Glion.